Latest News

የጅማ ዩኒቨርሲቲ አዲስ የአካዳሚክ ም/ፕሬዝዳንት ምርጫ ውጤት ይፋ ሆነ

ጅማ ዩኒቨርሲቲ ለአካዳሚክ ጉዳዮች ም/ፕሬዝዳንትነት ቦታ ብቃቱና ፍላጎት ያላቸዉ አመልካቾች እንዲወዳደሩ ባወጣዉ ግልጽ ማስታወቅያ መሰረት አመልካቾች መረጃቸዉን በማስገባት በተለያዩ ደረጃዎች ዉድድር ሲካሄድ ቆይቶ የጅማ ዩኒቨርሲቲ የስራ አመራር ቦርድ በቀን 26/02/2011 ዓ.ም. ባደረገዉ 50ኛ ስብሰባው ላይ ዉሳኔ አስተላልፏል፡፡

የዉድድሩ ሂደት የተመራዉ ት/ት ሚኒስቴር ባወጣዉ መስፈርት ሲሆን ሂደቱን ለመምራት አምስት ሰዎችን የያዘ ኮሚቴ ተቋቁሞ በየደረጃዉ ግምገማ ሲካሄድ ቆይቷል፡፡ ኮሚቴዉ ከቦርድ አባላት፣ ከሴኔት አባላት፣ ከተማሪ ተወካይ፣ ከነባር መምህራን እና ከኢንዱስትሪ (ማህበረሰብ) ተወካይ የተዉጣጣ ሲሆን የዉድድር ማስታወቂያ ከማዉጣት ጀምሮ የዩኒቨርሲቲዉ የስራ አመራር ቦርድ ጉባኤ ላይ የሂደቱን ዉጤት እስከ ማሳወቅ ድረስ በትጋት ሲሰራ ቆይቷል፡፡

በዚሁ መሰረት የዩኒቨርሲቲዉ የስራ አመራር ቦርድ ጉባኤ ዶ/ር አዱላ በቀለ ሁንዴን አዲሱ የዩኒቨርሲቲዉ የአካዳሚክ ጉዳዩች ም/ፕሬዝዳንት ሆነዉ እንዲያገለግሉ መርጧቸዋል፡፡ ዶ/ር አዱላ የዩኒቨርሲቲዉ ነባር መምህር እና ተመራማሪ ሲሆኑ በተለያዩ ደረጃዎች በሃላፊነት ያገለገሉና በአሁኑም ወቅት የትምህርት ጥራትና አግባብነት ቢሮ ዳይሬክተር ሆነዉ እያገለገሉ ይገኛሉ፡፡

የዩኒቨርሲቲያችን ማህበረሰብ ዶ/ር አዱላ በቀለ ሁንዴ ለዚህ ሃላፊነት በመመረጥዎ የተሰማዉን ልባዊ ደስታ እየገለጸ መልካም የስራና የስኬት ዘመን እንዲሆንልዎ ይመኛል፡፡  

 ስለ ዶ/ር አዱላ በቀለ ሁንዴ የትምህርት ዝግጅትና የስራ ልምድ የበለጠ መረጃ ለማግኘት ይህን አገናኝ (link) ይጫኑ፡፡


JU Map

Find Vacancy

Who's online

There are currently 0 users online.

Connect with us

We're on Social Networks. Follow us & get in touch.

Visitors

  • Site Counter:48,567